Қарағандыдағы қалың қар қатынасты туралатты

Қарағандыда қалың қар жауып, боран соғып, автобустар мен жеңіл көліктердің қозғалысы тоқтатылды, деп хабарлайды ORDA. Tengrinews.kz -ке сілтеме жасап.

Қала тұрғындары бірнеше сағат бойы аялдамаларда тұрып, автобустарды итеріп, жұмысқа жаяу жетуде. Қарағанды қар құрсауында қалды. Қалың қардың салдарынан қалада көлік қатынасы туралап қалды.

Таңертеңнен бастап көптеген қала тұрғындары жұмысқа бара алмады. Көптеген автобустар рейске шықпады, ал қолданыстағы автобустар қар құрсауында қалып қойды.

Қарағанды қаласының әкімі Ермағанбет Бөлекпаев қалада екі күн ішінде қардың бір айлық мөлшері түскенін хабарлады.

– Синоптиктердің болжамынша, екі тәулікте үлкен мөлшерде қар жауды, жауын-шашын жалғасуда. Қазір 300 - ден астам қалалық арнайы техника жұмыс істеуде. Алайда, бір уақытта барлық қарды алып тастау мүмкін емес, кейбір қиындықтар болады. Қысқа мерзімде ең алдымен жолаушылар көлігіне арналған жолдарды, аялдамаларды, одан әрі аула кіре берістері мен тротуарларды тазалаймыз.