Қарағанды облысында жойғыш ұшақ апатқа ұшырады

СУ-30 СМ көпфункционалды жойғыш ұшағы апатқа ұшырады.

Оқиға 2021 жылдың 16 сәуірінде сағат 20:45 шамасында Қарағанды облысында, Балқаш қаласының оқу-авиациялық орталығында оқу-жаттығу ұшуларын жүргізу кезінде орын алды. Жаттығуды аяқтап, қонуға бет алған  СУ-30 көпфункционалды жойғыш ұшағы апатқа ұшырады.

— Ұшқыштар аман, олар медицина қызметкерлерінің бақылауында. Қазіргі уақытта болған оқиғаның себептерін анықтау үшін арнайы тергеу комиссиясы ұшақ құлаған жерге жіберілді, - деді Қорғаныс министрлігі баспасөз қызметі.

Бортта екі экипаж мүшесі болған, екеуі де аман, ұшақ экипажы катапультталған.