Қарағанды облысында полиция тергеуінен кейін ер адам асылып қалды

20 қараша күні Қарағанды облысы Баршын ауылының тұрғыны Асылбек Ахметов өз-өзіне қол жұмсады.

36 жастағы марқұмның туыстары оның өліміне полиция қызметкерлері кінәлі екеніне сенімді. Олар объективті тергеу мен кінәлілерді жазалауды сұрайды. Қайтыс болғаннан кейін тексеру кезінде туыстарының өтініші бойынша ер адамның денесінде көгерулер мен жарақаттар байқалған.

«Вечерняя Караганда» Telegram-арнасы хабарлғандай, ер адам мал ұрлады деген күдікке ілінді. Полициядан жауап алғаннан кейін үйге оралған ол әйеліне өмір сүргісі келмейтінін айтқан.

Қарағанды облыстық ПД Асылбек Ахметовтың мал ұрлығына күдікті ретінде жауапқа тартылғанын растады.

«17 қарашада «Скотокрад» жедел-алдын алу іс-шарасын өткізу кезінде полиция қызметкерлері Нұра ауданында орналасқан шаруа қожалығына тиесілі 4 ірі қара малды ұрлау фактісін анықтады. Ұрлық фактісін шаруа қожалығы басшысы растады. Ол 2019 жылы тиісті өтінішін берген. 18 қарашада сотқа дейінгі тергеу басталған» деп хабарлады ведомстводан.

Сол күні мал ұрлады деген күдікпен 36 жастағы ер адам ұсталды. Сонымен қатар, ол мал сойып, етін сатып алған адамдар туралы, сондай-ақ елорда базарындағы ұрланған етті сататын орны туралы айтқан. Барлық анықталған адамдардан жауап алынды.

Орташа ауырлыққа жататын қылмыстың жасалғанына көп уақыты өтіп кеткені ескеріліп, жауап алынғаннан кейін Асылбек Ахметов үйіне жіберіледі.

Ведомство сонымен қатар сот-медициналық сараптама Ахметовке қатысты зорлық-зомбылық туралы күдікті жоққа шығарғанын қосты.

«Қазіргі уақытта қылмыстық істі тергеумен жеке қауіпсіздік басқармасы айналысуда» деп қорытындылады полиция.