Қарағанды: Белгісіз адам облыстық аурухананы «миналап» кетті

Қарағандыда белгісіз біреу облыстық клиникалық аурухана ғимаратын «миналап» тастады. 300 адам медициналық мекемеден эвакуацияланды.

Жедел әрекет ету орталығына белгісіз қоңырау 11.15-те түсті. Белгісіз біреу Қарағандыдағы облыстық клиникалық аурухананың ғимаратына жарылғыш зат қойылғанын айтты. Бірнеше минут ішінде барлық төтенше жағдайлар қызметі көрсетілген жерге келді. Олар ғимараттан барлық адамдарды эвакуациялады.

«Барлық сақтық шараларын қабылдау қажет болғандықтан, 300 адам медициналық мекемеден эвакуацияланды. Сондықтан науқастар (160 адам) жедел түрде қауіпсіз жерге орналастырылды, медициналық қызметкерлер (120) мен келушілерді (20) далаға шығарды. Ғимаратты мұқият қарау кезінде облыстық ауруханада және оған іргелес аумақта жарылғыш зат табылған жоқ. Қазіргі уақытта полиция жалған террористі анықтау және ұстау бойынша жедел-іздестіру шараларын жүргізуде», - деп хабарлады Қарағанды ​​облысы ПД баспасөз қызметі.

Департаменттің баспасөз қызметі терроризм актісі туралы біле тұра жалған хабарлама бергені үшін, Қылмыстық кодекке сәйкес, бес жылға дейінгі мерзімге бас бостандығынан айыру түріндегі жаза қолданылатындығын еске салды.