Қарақалпақстаннан  Қазақстанға қарай өткізу пункті жабылды

Өзбекстан Конституциясына өзгертулер енгізуге байланысты жұмадан бері шерулер өтіп жатқан Қарақалпақстандағы жағдай қазақ-өзбек шекарасына да  әсер етті.

Бүгін Қарақалпақстандағы өткізу пунктінің жабылғаны белгілі болды.

 «Өзбекстандық әріптестерден алынған ақпаратқа сәйкес, 1 шілдеден бастап ақпараттық жүйенің істен шығуына байланысты Өзбекстан мен Қазақстан арасындағы «Дәуіт-ата-Тәжен» өткізу бекетінде адамдардың, көліктердің және жүктердің өтуі уақытша тоқтатылды. Сол ақпаратқа сәйкес, «Қарақалпақстан» – «Бейнеу» бағыты бойынша теміржол қатынасын тоқтату жоспарлануда. Осыған байланысты көрсетілген өткізу пункттері арқылы Мемлекеттік шекараны кесіп өтетін азаматтардан өз бағыттарын алдын ала жоспарлауды сұраймыз»  делінген ҚР ҰҚК Шекара қызметінің хабарламасында.