Қарақу еті: Солтүстік Корея аштықпен күресуге жаңа әдісін тапты

Солтүстік Корея елде азық-түлік тапшылығымен күресу үшін қара аққуларды пайдалануды жоспарлап отыр.

Бұл туралы Orda.kz хабарлайды.

Үкіметтің «Родонг Синмун» деп аталатын ресми газеті «ұлт азық-түлік қорын сақтау үшін ұзақ уақыт күресті, бірақ егінді жойып, ел COVID-19 таралуын болдырмау үшін шекараларды жапқаннан кейін дағдарыс күшейді» деп хабарлады.

Ақпарат құралдарының хабарлауынша, аққуларды өсірудің жаңа жоспары дағдарысты жеңілдетуге көмектеседі. Мақалада «Қара аққу еті дәмді әрі емдік құндылығы бар» делінген. «Оңтүстік Хамген провинциясы партиясының бас хатшысы Ли Джон Нам қазанның 24-і күні елдің шығыс жағалауында қара аққуды өсіру орталығын ашты.

NK News хабарлауынша, аққуларды өсіру жоспары алғаш рет 2019 жылдың басында жарияланған:

Жоспар ірі фермалардың бүкіл ел бойынша азық-түлікпен жеткілікті қамтамасыз ету қабілетсіздігін және 2020 жылдың басынан бері азық-түлік пен басқа да тауарлардың импортына айтарлықтай тосқауыл қойған COVID-19-ға байланысты үкіметтің шектеулерін шешуге бағытталған, - деп жазды NK News тілшісі.

Естеріңізге сала кетейік, КХДР-да ашаршылық келе жатқанын маусым айында Ким Чен Ын жеке өзі мәлімдеген, кейін ол азық-түлік дағдарысын жариялады. Ал қыркүйекте солтүстік кореялықтарды «азық-түлік мәселесі» шешімін табуға шақырған болатын.