Қар аралас жаңбыр, көктайғақ: 2 ақпанға ауа райы болжамы

Синоптиктер 2 ақпанға арналған ауа райы болжамын ұсынды. Қазақстан аумағының басым бөлігінде жауын-шашынсыз ауа райы сақталады.

«Қазақстанның батыс және солтүстік-батыс облыстары атмосфералық фронтальды бөліктердің ықпалында болады, жаңбыр, қар, көктайғақ, жел, солтүстік-батыста бұрқасын күтіледі. Республиканың кей жерлерінде тұман түседі» делінген Қазгидромет РМК хабарламасында.

Ақмола облысының солтүстігінде тұман түседі, солтүстік-батыста жел 15-20 м/с күшейеді.

Батыс Қазақстан облысының солтүстігінде, оңтүстік-шығысында тұман, түнде солтүстік-шығыс пен шығыста көктайғақ күтіледі.

Маңғыстау облысының батысында көктайғақ, солтүстік-шығыс, оңтүстікте тұман.

Қостанай облысының оңтүстігінде – тұман, солтүстікте, батыста жел 15-20 м/с күшейеді, таңертең және күндіз аздаған қарлы боран соғады.

Алматы облысының солтүстігінде, оңтүстігінде, шығысында – тұман. Жалаңашкөл ауданында жел 17-22 м/с күшейеді.

Түркістан облысының таулы аймақтарында, батыста, солтүстікте, Атырау облысының орталығында, Солтүстік Қазақстан облысының шығысында, солтүстікте, Павлодар облысының оңтүстігінде, Шығыс Қазақстан облысында, Қызылорда облысының орталығында, түнде Қарағанды ​​облысының солтүстігінде тұман күтіледі.