Ақын Балтабек орыс тілін ұлықтап, өлең шығарды

Қазақстан президенті Қасым-Жомарт Тоқаевты «темірқазыққа» теңеген ақын Балтабек Нұрғалиев орыс тілін насихаттау мен ұлықтау мақсатында өлең шығарды.

Өлең ақынның Facebook парақшасында жарияланды.

Балтабек Нұрғалиев өлеңді екі тілде шығарды: орыс және қазақ тілінде.

«Русский язык – моей мечте крылья,

Ты всегда спасаешь меня от бессилья.

О, Русский язык,

Как всегда ты велик!

В твоём богатстве мир постиг,

Прочитал много книг!

И если мне запретят на русском петь,

То я готов сегодня сгореть.

Русский язык – ты моя душа, ты мой луч,

С тобой я всегда могуч.

Живи вечно, русская речь,

Мы должны тебя как святыню беречь»

делінген өлеңнің орыс нұсқасында.

«Орыс тілім, жасай бер, орыс тілім,

Мен өзіңді білуге борыштымын.

Орыс тілін білмесем егерде мен,

Түсінбес ем өмірде көп іс түбін.

Орыс тілім – қанатым қалықтаған,

Орыс тілде сөйлесем, шабыттанам.

Орыс тілі – көркем тіл, әдемі тіл,

Ұлылығын айтудан жалықпағам.

Орыс тілде ән айтам, тыйым салма,

Өзім білем мен оған сыйынсам да.

Орыс тілі – жанымның шамшырағы,

Орыс тілмен шешілер қиын шаруа.

Орыс тілсіз ұқпаспын замандарды,

Әлемдегі хаттарды, хабарларды.

Сүюге де міндеткер емеспін мен,

Орыс тілін сүймейтін адамдарды» делінген қазақ нұсқасында.

Оқырмандардың көбісі бұл өлеңді орынсыз әрі қазақ тілінің дамуына қарсы бағыт деп есептейді.

Еске салсақ, 2023 жыл – Тәуелсіз Мемлекеттер Достығы аясында орыс тілі жылы деп жарияланды.