Ақтөбеде қоқыстан табылған өлі сәбидің анасы сотталмайды

Ақтөбе облысының полиция департаменті жаңа туған сәбиінің денесін қоқысқа тастап кеткен анаға қатысты сот болмайтынын хабарлады.

2022 жылдың қазан айында Ақтөбе облысындағы Рождество-Дон тас жолының бойында орналасқан қоқыс полигонынан жаңа туған нәрестенің денесі табылды. Өлген нәресте пакетке оралған күйде жатты.

Содан кейін ҚР Қылмыстық кодексінің 100-бабы «Анасы жаңа туған нәрестені өлтіру» бойынша сотқа дейінгі тергеу басталды. Алайда, 19 сәуірде полиция бұл істің жабылғанын хабарлады, деп жазды Диапазон.

«Бұл іс бойынша сот-медициналық сараптама тағайындалды. Ол баланың өлі туылғанын анықтап, осыған байланысты Қазақстан Республикасы Қылмыстық кодексінің 100-бабы «Анасы жаңа туған нәрестені өлтіру» бойынша қылмыс құрамы табылмай, іс тоқтатылды» деп Ақтөбе облыстық полиция департаменті хабарлады.