Ақтөбеде көпқабатты үйлерге жылу беру қалпына келді

Ақтөбеде кеше түнде үш көше мен даңғылдың бір бөлігіндегі көпқабатты үйлердің тұрғындары жылусыз және ыстық сусыз қалған болатын.

Тұрғындар 26 градус аязда суықта отыруға мәжбүр болғандарын айтып шағымданды. Олар түні бойы коммуналдық қызметтерді шақырды, бірақ болған жайтқа ешкім нақты жауап бермеді. Кейін белгілі болғандай, бір желідегі өшіру клапандары бұзылып, белсенді түрде жөндеу жұмыстары жүргізілген.

Ал бүгін Ақтөбе облысы әкімі аппарат басшысының орынбасары «Қабылданған тиісті жедел шаралардан кейін барлық үйлерге жылу жедел түрде толық көлемде берілгенін» хабарлады.

«Ақтөбе қаласының негізгі көздері: -жылу, -электр, -сумен жабдықтау және газбен жабдықтау, сондай-ақ жылу желілерінің жұмысы штаттық режимде жүргізілуде және жергілікті атқарушы органдардың тұрақты бақылауында» делінген хабарламада.

Бұл туралы аппарат жетекшісінің орынбасары Ержан Байтанаев нақтылады.

Ол ауа райының күрт суытуына байланысты Ақтөбедегі барлық кәсіпорындар мен тіршілікті қамтамасыз ету ұйымдары жоғары дайындық режиміне өткенін атап өтті. Оның ішінде көмекші авариялық-қалпына келтіру топтары дайын.