Ақтөбеде «АltynEx Company» шахтасында жұмысшы көз жұмды

Ақтөбе облысында ауыр техника шахта кабелін монтаждап отырған жұмысшыны басып кетті.

Оқиғаға қатысты тергеу басталды. 

Қайғылы оқиға бүгін таңертең 9:30 шамасында Ақтөбе облысы Мұғалжар ауданындағы  «АltynEx Company» шахтасында тіркелді.

– Оқыс оқиғаға қатысты анықтау жұмыстары жүріп жатыр. 48 жастағы энергетик шахта желдеткішінің жанында отырып, кабельді монтаждау жұмыстарын орындап жатқан. Жүк көлігінің жүргізушісі ештеңе көрмегенін айтады, – деп хабарлайды Ақтөбе облыстық еңбек инспекциясы жөніндегі басқарма басшысының орынбасары Талғат Искарин. 

Қазіргі уақытта құзырлы мекеме өкілдерінен құралған комиссия шахта аумағында тергеу-анықтау жұмыстарын бастап кетті.

Автор: Ардақ Ерубаева, Ақтөбе қаласы