Ақтөбе облысында су тасқынынан зардап шеккен отбасыларға 500 мың теңгеден көмек көрсетілді

Ақтөбе облысы Қаратал ауылының 11 отбасына облыс әкімдігінен 500 мың теңгенің сертификаты табысталды.

Облыс әкімі Ералы Тоғжанов өңірге жұмыс сапары барысында әр отбасына құны жарты миллион тұратын сертификат табыс етті, деп хабарлайды Ақтөбе облысы әкімдігінің баспасөз қызметі.

«Комиссия барлық ғимараттар мен құрылыстарды тексергеннен кейін зардап шеккендерге келтірілген шығын көлемі туралы сарапшылардың қорытындысына сәйкес толық көлемде көмек көрсетіледі» делінген хабарламада.

14 наурызда Ақтөбе облысының Қобда ауылында төтенше жағдай жарияланды. Тасыған өзен суы 15 үйді, 32 ауланы, ОҚО ғимаратын, екі мектеп пен екі дәмхананы басып қалды. Эвакуация орталығына 90-нан астам адам жеткізілді. Мал қоймасына жүздеген үй жануарлары, қой, сиырлар жеткізілді.