Ақтөбе облысында кен орнында өрт шықты

Жаңажол кен орнындағы «СНПС-Ақтөбемұнайгаз» АҚ зауыты аумағында өрт шықты. 

Бұл туралы облыстық төтенше жағдайлар департаментінің баспасөз қызметі хабарлайды.

1 мамыр күні сағат 15:55-те 112 пультіне Мұғалжар ауданы, Батпақкөл ауылдық округіне қарасты Жаңажол кен орнындағы газ өңдеу зауыты аумағында зауыт өртеніп жатқаны туралы хабарлама келіп түсті.

Ведомство өртті сөндіруге 50-ден астам өрт сөндіруші мен 9 техника жұмылдырылғанын атап өтті.

Күйік алған төрт жұмысшы шұғыл түрде Темір ауданының орталық ауруханасына жатқызылды. Қала әкімдігі зардап шеккендердің жағдайы тұрақты түрде ауыр екенін айтты.