Ақтаулық мұғалімдер тұрғын үйді жекешелендіру ісі бойынша сотта жеңіске жетті

Ақтаулық мұғалімдер тұрғын үйді жекешелендіру ісі бойынша сотта жеңіске жетті, деп хабарлайды «Лада».

«2015-2016 жылдары жоғары оқу орындарының оқытушылары облыстық әкімдікке қызметтік пәтерлерді жекешелендіру туралы өтінішпен бірнеше рет жүгінген. Осыған байланысты пәтерлерді одан әрі жекешелендіру үшін университет балансына беру туралы шешім қабылданған. Алайда мұғалімдердің жекешелендіруге құқығы бар болғанымен, қалдық құны бойынша тұрып жатқан пәтерлерін жекешелендіруден бас тартылды. Бұзылған құқықтарын қорғау үшін мұғалімдер сотқа жүгінуге мәжбүр болды. Сот шешімімен талап қанағаттандырылды» деп хабарлайды басылым.

Бұған дейін 2008-2009 жылдары Есенов университетіне оқытушылар шақырылған болатын. Оларға тұрғын үйді жекешелендіру құқығымен қамтамасыз етуге кепілдік хаттар берілді.

«2009 жылы университет пен олар қызметтік пәтерлерді жалға алу туралы келісім-шартқа отырды. 2009 жылы 25 мамырда Наурыз мейрамын тойлау кезінде оларға кілттерді облыс әкімінің өзі салтанатты жағдайда табыс етті»  делінген ақпаратта.