Ақтаулық ардагер балуан әлем чемпионы атанды

Болгарияның Пловдив қаласында өтіп жатқан әлем чемпионатында Абай Смағұлов 88 келі салмақта ардагерлер арасында үздік балуан атанды.

— Абай Смағұлов төрт жекпе-жек өткізіп, Қырғызстан, Моңғолия, Латвиядан келген қарсыластарынан басым түсті. 88 келіге дейінгі салмақта финалда Смағұлов Үндістан өкілімен кездесіп, жекпе-жекте 7:5 есебімен жеңіске жетті, - дейді бас бапкер Роман Ахмедханов.

35 пен 40 жас аралығындағы еркін күрестен 88 келіге дейінгі салмақта Абай Смағұлов үздік атанды.

Болгарияда 4-9 қазан аралығында өтіп жатқан әлем чемпионатына әлемнің 60 елінен спортшылар қатысуда. Қазақстан намысын 20 спортшы қорғаса, оның үшеуі маңғыстаулық.