Ақтауға келетін шетелдіктерден ақы алынады

Ақтауға келетін шетелдік туристер - тұру құнының 1% ретінде арнайы ақы төлейді . Мұндай шешімді қалалық мәслихат депутаттары қабылдады.

Бұл туралы жергілікті «Лада» басылымы хабарлайды.

«Мұндай туристік төлемді төлеу тәжірибесі Грузия, Чехия, Біріккен Араб Әмірліктері сияқты әлемнің көптеген елдерінде қалыптасқан. Шетелдік туристерден түсетін ақша Ақтауда туризмді дамытуға бағытталады. Соңғы уақытта облысқа келетін туристер санының артқанын ескерсек, қазынаға қыруар қаржы түспек. Оларға жағалауда және қалада қосымша құрғақ шкафтар орнатуға болады», - деп атап өтті қалалық мәслихат депутаты Гүлмира Әбішева.

Қалалық мәслихаттың шешімі 10 күннен кейін күшіне енеді.