«Ақтау теңіз порты» кеден бекеті бастығының орынбасары қамауға алынды

«Ақтау теңіз порты» кеден бекеті басшысының орынбасарына қатысты қамауға алу түріндегі бұлтартпау шарасы санкцияланды, деп хабарлайды Маңғыстау облысы прокуратурасының баспасөз қызметі.

«Декларанттардың кеден өкілдерінен пара алу фактілері бойынша Сыбайлас жемқорлыққа қарсы қызмет «Ақтау теңіз порты» кеден бекетінің бірнеше лауазымды тұлғаларына қатысты ҚР ҚК 366-бабы 3-бөлігінің 2, 4-тармақтары  – «Бір топ адамдармен алдын ала сөз байласу бойынша бірнеше рет пара алу» бойынша іс жүргізуде. Тергеу барысында кеден бекеті бастығының орынбасары әшкере болды. Ол екі айға қамауға алынды» деді баспасөз қызметі.

Қазіргі уақытта тергеу органы істі дұрыс, жеткілікті мән-жайларды жан-жақты, толық және объективті зерттеу үшін қажетті тергеу әрекеттерін жүргізуде.

Еске салайық, «Ақтау теңіз порты» кеден бекетінің басшысы ұйымдасқан қылмыстық топтың құрамында болған.