Ақтауда сот спорт және дене шынықтыру басқармасының бұрынғы басшысы Қанат Жұмабаевты ақталды.
Lada.kz мәліметіне сәйкес, бұған дейін Сыбайлас жемқорлыққа қарсы қызмет ұстаған Қанат Жұмабаевқа қатысты сот отырысы аяқталды. Бұл ақпаратты Маңғыстау облыстық сотының баспасөз қызметі растады.
«Қанат Жұмабаев ақталды. Жұмабаев тоғыз айға жуық тергеуде болды. Бұл іс бойынша «Каспий» футбол клубының атқарушы директоры Әлібек Урузғалиев жәбірленуші болды» деп жазылған хабарламада.
Айта кетейік, соттың шешімі заңды күшіне енген жоқ. Қанат Жұмабаев 2022 жылдың тамыз айында Маңғыстау облыстық дене шынықтыру және спорт басқармасының басшысы болып жұмыс істеген кезінде жұмыс орнында ұсталған еді. Ол мемлекет қаржысын жымқырды деген күдікке ілінді.
