Ақтау қаласындағы МАЭК толық іске қосылды

Бұған дейін апат болды деп хабарланған Ақтау қаласындағы № 1 энергоблок бүгін таңертең қайтадан іске кірісті. Жөндеу жұмыстары мерзімінен бұрын аяқталды.

Маңғыстау атом электр комбинатындағы (МАЭК) апаттан кейінгі қалпына келтіру жұмыстары 4 шілде күні кешке басталды. Компания өкілдерінің айтуынша, энергоблоктың қазандығын суытуға көп уақыт кеткен. Жылдам әрекет етудің арқасында олар қуат блогының жабдығына елеулі зақым келтірмей, аман алып қалды.

Еске салайық, 3 шілде күні сағат 17:31-де «МАЭК» ЖШС-дегі № 1 энергоблокта апат болды. Оған қазандықтағы қосымшаның күрт артуы себеп болды. Оқиға салдарынан жергілікті тұрғындар ғана емес, ірі кәсіпорындар, соның ішінде мұнай-газ саласына қатысты кәсіпорындар да жарықсыз қалды.

Сөйтіп, Атырау мұнай өңдеу зауыты тоқтап, бірнеше кен орындарында мұнай өндіру тоқтаған болатын. Дегенмен 6 шілде күні  іске қосылады деп уәде етілген.

«Өзенмұнайгаз» АҚ бас директоры Нұрдәулет Қилыбайдың алдын ала  есептегеніндей, 13 мың ұңғыманың тоқтап қалуынан алынған шығын 5 млрд теңге болған. «ҚазТрансОйл» компаниясының Атырау және Маңғыстау облыстарында орналасқан 11 мұнай айдау станциясы тоқтап қалды. Магистральдық су құбырындағы үш су айдау стансасы да тоқтап тұрды.