Ақтау маңындағы шұңқырдан иттердің өлексесі табылды

Оншақты өлген иттің денесі қала маңындағы шұңқырға тасталған, осыған байланысты қызметтік тергеу басталды.

Ақтау іргесіндегі шұңқырда қаңғыбас иттердің денесі жатқан видеоны жергілікті жануарлар құқығын қорғаушылар түсіріп алған, деп жазады Lada.kz. Олар бұл кеше Мұнайлы ауданында атылған иттер деп есептейді.

— Мен, барлық жануарлар құқығын қорғаушылар мен бұл іске бейжай қарамайтын адамдар сияқты, зарарсыздандыруға бөлінген ақша өз мақсатына жұмсалмай, шенеуніктердің қалтасына түсіп жатыр деп есептеймін. Мүлде ештеңе жасалып жатқан жоқ. Үнемі адамдарға шынайы ақпарат жетпейді, - дейді жануарлар құқығын қорғаушы Татьяна Ткач.

Жануарларды қорғаушылардың айтуынша, билік 2011, 2015, 2020 және 2022 жылдары Ақтауда жануарларға арналған крематорий салынғанын хабарлады. Бірақ оны іс жүзінде ешкім көрмеген. Қала тұрғындары мұны «жемқорлық заңсыздықтары» деп отыр.

Дегенмен, мамандар қазірдің өзінде жануарларды өлтіру фактісін тексеріп жатыр. Оқиға орнына ветеринарлар, полиция және басқа да мамандардан құралған комиссия аттанды.