АҚШ ядролық реакторлар экспортындағы жетекшілікті  Ресейге берді - МАГАТЭ

Америка Құрама Штаттары әлемдік коммерциялық ядролық реакторлар нарығындағы үстемдігін жоғалтты, ол қазір Ресейге өтті. Атом энергиясы жөніндегі халықаралық агенттіктің (МАГАТЭ) бас директоры Рафаэль Гросси осылай дейді.

Оның айтуынша, чемпиондық мәртебеден айрылу Америка үшін өзіндік сынаққа айналды.

Гросси бұл сөзді коммерциялық ядролық энергетикалық технологиялар туралы сұраққа жауап бергенде айтқан. Оның айтуынша, қазіргі уақытта «коммерциялық ядролық технологиялардың әлемдік нарыққа негізгі жеткізушісі — ресейлік, яғни «Росатом».

Гросси Америка бұл көшбасшылықты қайтарғысы келеді деп санайды. Бірақ әзірге оның бұл үшін икемді қаржылық инвестициялары жоқ.

— Әрине, бұл үшін сөзден іске көшу керек. Мен [АҚШ-та] ұлттық атом өнеркәсібін қолдау бойынша өте қызықты шешімдер қабылданып жатқанын көріп тұрмын, бұл әрине, энергетикалық жағдайға байланысты ел ішінде, сонымен бірге халықаралық деңгейде қажет, - деді МАГАТЭ басшысы. Вашингтондағы Карнеги қоры конференциясында.

МАГАТЭ басшысы АҚШ-тың әлеуеті бар екеніне сенімді, бірақ «Росатом» мен Қытай ұлттық ядролық корпорациясы (CNNC) американдық бәсекелестерден ерекшеленетін қаржыландыру үлгілерін қолданатынын айтты. Соның арқасында ресейлік және қытайлық мамандар әлемдік нарықта икемді әрекет ету мүмкіндігіне ие болды.