АҚШ мемлекеттік хатшысы Блинкен Қазақстанға келеді

АҚШ мемлекеттік хатшысы Энтони Блинкен Қазақстанға ресми сапармен келеді. Бұл туралы ҚР Сыртқы істер министрлігінің баспасөз қызметі хабарлады

«28 Ақпанда АҚШ Мемлекеттік хатшысы Энтони Блинкен Қазақстанға алғашқы ресми сапарын жасайды. АҚШ Мемлекеттік хатшысын президент Қасым-Жомарт Тоқаев қабылдап, Премьер-Министрдің орынбасары – ҚР Сыртқы істер министрі Мұхтар Тілеубердімен келіссөз жүргізеді» делінген хабарламада.

28 ақпан күні Астанада Блинкеннің қатысуымен С5+1 форматында Орталық Азия елдері мен АҚШ сыртқы саяси ведомстволары басшыларының кездесуі өтеді.

«Күн тәртібінде – өңірлік ынтымақтастық және АҚШ-пен әріптестікті одан әрі дамыту мәселелері тұр» деп хабарлады СІМ.