Ақмола облысындағы зираттан қару-жарақ қоймасы табылды

Көкшетау полиция бөлімінің қызметкерлері Щучье бағытында орналасқан мұсылман зираты аумағынан атыс қаруының жасырын «қоймасын» тапты, деп хабарлайды Қазақстан Республикасы Ішкі істер министрлігі.

Ішкі істер министрлігінің Telegram-каналының хабарлауынша, оқиға орнынан тегіс ұңғылы НЦ-12 маркалы аңшы мылтығы, «Сайга-410» маркалы тегіс ұңғылы мылтық, 36 және 9 калибрлі патрондар тәркіленген. Қару мен оқ-дәрі сараптамаға жіберілді.

Тексеру барысында полицейлер қару иесін анықтады. Бұл 2015 жылы полицияға қаруының жоғалғаны туралы арызбен жүгінген 48 жастағы Солтүстік Қазақстан облысының тұрғыны болып шықты.

Ішкі істер министрлігі қаруды жоғалту немесе ұрлау иесі үшін әртүрлі құқықтық салдарларға әкелуі мүмкін екенін атап өтті. Егер осындай жағдайға тап болсаңыз - дереу полицияға хабарлауыңыз қажет.