«Ақбұлақ атқышы» үйінің таласы БЦК басшылығы ауысқан соң өзгерді ме?

Бес адамды өлтіргені үшін сотталған «Ақбұлақ атқышы» Игорь Дужновтың әйелі Анаида Демирчян қайғылы оқиға болған үйде әлі де  тұрып жатыр.

Айта кетейік, бұған дейін Центр Кредит Банкінің директорлар кеңесі Ғалым Құсайыновтың басқарма төрағасы қызметінен кеткені туралы хабарланғаны белгілі. Orda.kz редакциясы Анаида Демирчянмен сұхбаттасты. Сұрақтың төркіні — қазір олардың өмірінде не болып жатыр және кепілге қойылған активтердің жағдайы қалай?

Демирчянның айтуынша, Центр Кредит Банкінде басқарма басшысы ауысқаннан кейін іс жүзінде ештеңе өзгерген жоқ - олардың ісі әлі де белсенді қаралуда.

— Кеше біз банкте болдық, маған қарапайым менеджер қарыздың қалдығын төлемесем, олар әлі біраз дүниені  менен тартып алатындығымен қорқытты. Сотта банк судьялармен келіссөздерді жалғастыруда, судьялар банк пен сот орындаушыларының қылмыстық және заңсыз әрекеттерін жасырып, заңсыз шешімдер қабылдауда, бізде барлық дәлелдер бар. Енді біз бұрынғы екі сотта жеңіліп қалғандықтан, Жоғарғы сотқа жүгініп, талап арызбен шағымданамыз, - дейді Демирчян.

Игорь Дужнов бес адамды - екі полицейді, сот орындаушысын, үйдің жаңа қожайыны мен оның досын Дужновтар отбасы кепілге қойған тұрғын үйді қарызы үшін тартып алмақ болған кезде атып тастады. Қазір бұл үйде «Ақбұлақ атқышының» отбасы тұрып жатыр, олар ешқайда кетпей отыр.

— Банк «Азаматтарға арналған үкімет» мемлекеттік корпорациясы» КЕАҚ-мен бірге біздің үйіміз үшін күресін жалғастыруда. Мұрагерлер мұраға заңсыз кірді, ол үшін біз дәлелдеуді талап еттік: олар бізге бірдеңе беруден бас тартты және сотқа мүлде келмеді. Олар жай ғана өндіріп алушыны ауыстыру туралы арыз берді, ал көшіру туралы бірінші заңсыз шешім қабылдаған судья Нұрсейітова күші жойылған құқық белгілейтін құжаттар бойынша иесін қайта тіркеді, - дейді әйел.

Банк сонау 2017 жылы 96 миллион теңгеге сатқан Golden Fleece сұлулық салоны жұмысын жалғастыруда, онда жалға алушылар жұмыс істеп жатыр.

— Банк жалға алушылардан ғимаратты босатуды талап етеді, олар мүліктің бүлінуі мүмкін деп қорқады, бізде бейнежазбалар мен дәлелдер бар. Жалдаушыларымыз сотқа шағым түсірді, адамдар жұмысын жалғастыруда, барлығына көңілдері толады. Қолымызда банктің құжаттарды қолдан жасағаны туралы барлық дәлелдер бар. Қазір банк мұның бәрін жасыруға тырысуда, оның қызметкерлері бізге «қысымды» жалғастыруда, көшіру қаупі бар, бірақ мен тоқтамаймын және соңына дейін шыдаймын, - деді Дужнованың әйелі.

Еске салайық, 2021 жылы 20 қыркүйекте Алматыда Игорь Дужнов бес адамды атып өлтірген болатын. 2021 жылы Игорь Дужнов пен оның әйелі Анаида Демирчян жылжымайтын мүлікті кепілге қойып, банктен несие алған. Қарыз уақытында өтелмей, үй аукцион арқылы сатылған. Жоғарыда аталған Бағанашылдағы ғимаратты банктің өзі сатып алған.