Ақан Сатаев «Қазақфильм» басшылығынан кетті

Режиссер Ақан Сатаев «Қазақфильмнің» басшысы қызметінен кетті, деп хабарлады ҚР Мәдениет және спорт министрі Дәурен Абаев.

«Бүгін Ақан Қарғамбайұлы аты аңызға айналған киностудиядағы басшылық қызметінен өз еркімен кетті» деп жазды Абаев 27 қыркүйек әлеуметтік желідегі парақшасында.

Министр режиссерге «Қазақфильмнің» президенті ретіндегі қажырлы, ең бастысы жемісті қызметі үшін алғыс айтты.

Еске салсақ, Ақан Сатаев 2020 жылдың 7 шілдесінен бері аталған мекеменің президенті қызметін атқарып келеді.

Ол сонымен қатар «SataiFilm» киностудиясының негізін қалаушы.