Аптап ыстықта Жаңатұрмыс тұрғындары сусыз қалды

Алматы облысының Жаңатұрмыс ауылында су құбырындағы апат салдарынан су өшірілген.

Сусыз қалған тұрғындардың видеосы EGOV.PRESS Telegram-арнасында жарияланды.

Жергілікті тұрғындар су таситын көліктен су алып жатқан видеоға қатысты Алматы облысы әкімдігі түсініктеме берді.

«6 маусымда Райымбек ауылдық округіне қарасты Жаңатұрмыс ауылында диаметрі 225 мм су құбыры жарылған. «Таусамалы қызмет» МКҚК апатты қалпына келтіру жұмыстарын жүргізді. Төтенше жағдай түзетіліп, су беру қалпына келтірілді. Алайда, 7 маусымда дәл сол жерде екінші су құбыры жарылды. Оқиға орнында коммуналдық кәсіпорынның бригадасы жұмыс істеп жатыр. Жұмыс 16:00-ге дейін аяқталады деп күтілуде» деп хабарлады әкімдік.