Қапшағайда жүк көлігімен болған жол апатынан бір адам қаза тапты

Желіде Қапшағай тас жолында жол апаты орын алғаны туралы ақпарат пайда болды. Жазба авторы жүк көлігі жүргізушісінің көлікті басқарып келе жатып ұйықтап кеткенін жазған, салдарынан бір адам қаза болған.

Алматы облысы полициясының мәліметінше, 27 жастағы Mercedes-Benz жүк көлігінің жүргізушісі солтүстік бағытта келе жатып, бағдаршамда қызыл шам жанып тұрған кезде Toyota Caldina көлігімен соқтығысқан.

«Жол апаты салдарынан Toyota Caldina көлігінің 39 жастағы жолаушысы оқиға орнында көз жұмды. 33 жастағы жүк көлігінің жүргізушісі де зардап шеккен. Ол түрлі жарақаттармен қалалық ауруханаға жатқызылды» делінген хабарламада.

Жол-көлік оқиғасы бойынша қажетті сараптамалар тағайындалып, ҚР Қылмыстық кодексінің 345-бабы бойынша сотқа дейінгі тергеу амалдары жүргізіліп жатыр.