Apple бас директорының жылдық сыйақысы

Apple бас директорының жылдық сыйақысы бір жыл ішінде 40% өскен. Сонымен қатар, компания Тим Кук үшін жаңа ынталандыру жоспарын да қабылдады.

Apple Inc. қаржылық нәтижелері өткен қаржы жылында компанияның ішкі мақсаттарынан асып түсіп, топ-менеджерлерге бонустық төлемдерді көбейтуге мүмкіндік берген.

Компанияның бас директоры Тим Кукке қыркүйек айында аяқталған 2020 қаржылық жылға арналған ақшалай өтемақы 40% -ға өсіп -  10,7 миллион долларға жетті. Бұл туралы Apple компаниясы Бағалы қағаздар және биржалар жөніндегі комиссиясына тапсырған құжаттарына сәйкес хабарлады. 2019-да Apple табысы мен кірісі азайған кезде Куктың сыйақысы 36% төмендеген болатын.

2020 қаржы жылының соңында, коронавирустық пандемияға қарамастан, Apple компаниясының пайдасы 3,9% -ға өсті, бұл жағдай компания шығарған ноутбуктар мен планшеттерге деген сұраныстың өсуіне байланысты болды. Бүкіл әлем бойынша адамдар қашықтан жұмыс істеу мен оқытуға көшкен кезде 2020 жылы Apple-дің капитализациясы 2 триллион долларға дейін, яғни 80% -ға өскен.

Куктың 2020 жылы қыркүйекте қабылданған жаңа ынталандыру жоспары акцияларды Apple компаниясының басшысына беруді көздейді, яғни 2023-2025 жылдары оның меншігіне айналады. Бұл Кукке алдағы жылдары компанияның басында қалуға стимул береді, деп жазады The Wall Street Journal.

Қазір 60 жастағы Тим Кук Apple-де 1998 жылдан бері жұмыс істейді.

Соңғы қаржы жылында Куктың жалақысы алдыңғы жылдағыдай 3 миллион долларды құрады. Компания сонымен бірге бас директордың қауіпсіздігін қамтамасыз етуге 470, 246 мың АҚШ долларын және бір жыл ішінде оның әуе сапарына 432 564 доллар жұмсаған.