Әпкесі судья: Атырауда 2 жарым жасынан егіздерді қорлаған туған әкесіне қатысты іс қайта-қайта жабылып жатыр

Осыдан бір жыл бұрын әлеуметтік желіде Атырау облысында туған әкесі егіздерді зорлап күдікке ілінгені жазылған болатын. Сол мезетте Атырау облысының полиция департаменті қылмыстық іс қозғап, бірақ күдіктіні қамауға алмады. Orda.kz редакциясына осы егіз бүлдіршіндердің анасы сұхбат беріп, істің қайта-қайта жабылып жатқанын айтты.

Анасы ЭКО көмегімен 43 жасында - ұл мен қызды дүниеге әкелді.  2023 жылдың 20 қарашада Атырау облысының полиция департаментіне Айнұр (кейіпкердің аты өзгертілген) өзінің некелі күйеуіне арыз түсірді. 

«Мен арыз жазған уақытты егіз балаларым 3 те болатын. Күйеуім мені жұмысқа шығарып өзі декреттік демалысқа шыққан еді. Біз танысқан кезде бұд адам маған ішпеймін, шекпеймін деген болатын.  Балаларым 9 айға толған кезде мен оның есірткі қолданатынын, тергеу кезінде оның қолданатын есірткісі марихуана екенін білдім. Егіздер екіге толғанда оның ойын құмар екені де белгілі болды. Қарызға белшесінен батқан. Балаларымның айтуымен арыз жаздым», - деді егіздердің анасы.

Алғашқы белгілері, егіздер тұйықталып, жылауық бола бастаған. Түнгі ұйқы кезінде шошып ояна берген. Балалардың өзгергенін тіпті балабақшадағы тәрбиешісі байқап, анасына хабарласып өзгеріп жүргенін айтқан.

«Жұмыста отырғанымда балабақшадан тәрбиешісі хабарласып «балалар бір нәрседен қорқып жүрген секілді. Өзгеріп жүр. Ұйықтағанда да қолдарын жібермейді» деді мен ойладым мен жұмысқа шыққандықтан күйзеліске түсіп жүрген шығар деп. Бір күні қызымның көтенін сүртейін деп қарасам, көгеріп тұр екен. Сол сәттен бастап күдіктене бастадым», - деп анасы көз жасын тоқтата алмай есіне алды.

Анасының айтуы бойынша балалар әкесінен қатты қорқып анасына ашып ештеңе айта алмаған. Анасы 111 ге хабарласып кеңес алған. Олар психологқа барыңыз деп нұсқау берген. Психологқа барған кезде егіздердің салған суреттері тек ер адамның жыныс мүшесі болған. 

«20 қарашада полиция депортаментіне арыз жаздым. Содан бір жылдан аса уақыт өтті күдіктіні әлі күнге дейін қамаған жоқ. Экспертизаны проктолог маманды өзіңіз тауып, жасатасыз деді маған. Содан мені жан-жаққа жіберген соң, шу шығара бастадым. Төреханова деген балаларды қарап, «бекем болыңыз, екі балада да сызат түскен. Ұлыңызда көбірек бұлшық еттері әлсіреген, нәжісті ұстай алмайды», - деді маман.

Екінші экспетизада балалар проктологы арада бір ай өтседе қанталаған іздерін анасына көрсеткен дәрігердің эксперт ретінде лицензиясы жоқ болғандықтан ол қорытынды жазып бере алмаған.

Егіздердің анасының айтуынша күдіктінің туыстары тергеу жүріп жатқан жерде жұмыс істейді. Тіпті күдіктінің әпкесі әкімшілік судья болып жұмыс істейді сол себепті істі қайта-қайта жауып тастап жатыр екен. Тергеу басталғалы бері ешкім үйіне келіп тіпті ешқандай айғақ іздерін де алмаған. 

Егіздермен үш күн жұмыс істеген психолог Еліқұлова Маржан балалардың психологиялық және физикалық қысым көргенін растап отыр. Осы іс бойынша Атырау полиция департаменті Orda.kz редакциясына жауап берді.

«Тергеу ісі жабылған жоқ, уақытша тоқтатылды. Экспертизаның қорытындысына екі жақтың келіспеулері болғандықтан бірнеше рет тоқтатылды. Іс өндірісте, ҚК-нің 121 бабының 4 бөлігімен тіркелген, тиісті сот-сараптамасы жүргізілуде, нәтижесі бойынша процессуалдық шешім қабылданады» деген жауап берілген.

2025 жылдың қаңтар айында іс қайта ашылды. Тағы да экспетиза тағайындалды. Әр жасалған экспетиза кезінде балалар наркоз алады. Бұл балалардың денсаулығына өте зиян. Анасының айтуынша ұлы ер адамдардан әбден қорқып қалған, тіпті қол беріп амандаса алмаған.