Апатта екі жасар баласы бар әйел тірідей өртеніп кетті

Жамбыл облысында жол апатынан әйел мен екі жасар бала қаза тапты, деп хабарлайды Orda.kz.

«Батыс Еуропа-Батыс Қытай» республикалық тас жолының 369 шақырымында Mercedes автокөлігі жол жиегінде тұрған BMW автокөлігіне жоғары жылдамдықпен келіп соғылды.

«Mercedes автокөлігінің жүргізушісі көлік тізгінін игере алмай, апатқа себепші болды. Ол ұсталды»,  деп хабарлады облыстық полиция департаменті.

BMW автокөлігінің 23 жастағы жүргізушісі мен оның екі жасар баласы өрт салдарынан оқиға орнында көз жұмды.

Оқиға бойынша «Екі немесе одан көп адамның өліміне әкеп соққан жол қозғалысы ережесін бұзу» бабы бойынша қылмыстық іс қозғалды.