Апатқа ұшыраған Евгений Пригожин ұшағында Қазақстан тумасы болған

«Вагнер» тобының басшысы Евгений Пригожинмен бірге апатқа ұшыраған стюардесса Қазақстанның 39 жастағы тумасы болып шықты, деп хабарлайды 74.RU порталы. Сонымен қатар ол ұшақ бортындағы жалғыз әйел еді.

Кристина - Челябі облысы, Еманжелинск қаласы прокурорының орынбасары Евгений Распоповтың үлкен әпкесі. Екеуі де Қазақстанда туған. Бір кездері қыз Ресей астанасына кеткен. Жақында ол Санкт-Петербургке көшіп келді, онда жеке рейстерде «MНT Aэрo» компаниясында стюардесса болып жұмыс істеді. Оның жеке өміріне келсек, әлеуметтік желідегі мәртебесіне қарағанда ажырасқан.

«Оның мінезі мықты болатын. Ол Мәскеуге биіктерге жету, мансап құру үшін барды, ол шыдамды. Дегенмен ағасы екеуінің жолы бірікпеді, аз сөйлесетін, анда-санда телефон арқылы ғана, жылына бір реттен артық көріспейтін. Кристина ешқашан Челябіге келмеген. Бауыры әпкесінің Пригожиннің ұшағында екенін білмеген, ол оның бизнес-джетте жұмыс істейтінін ғана білген, оны мүмкіндігі бар адамдарға жалға береді», - деді дереккөз.

Қайғылы оқиғадан сәл бұрын, Baza хабарлауынша, Кристина жақындарына рейстің кешігуі туралы шағымданған. Ол борттың  техникалық қызмет көрсету немесе шағын шұғыл жөндеу жұмыстары жүргізіліп жатқанын хабарлаған.

«Менің түсінуімше, ол жеке рейсте келісімшарт бойынша жұмыс істеген. Ол: «Біз ұшу командасын күтіп отырмыз», - деді. Егер ұшақты жөндеу болса, оны кері қайтарған шығар», - деп болжайды ақпарат көзі.

«Вагнер» тобының  негізін қалаушының Тверь облысындағы ұшақ апатынан қайтыс болғаны 23 тамыз күні кешке белгілі болды. Пригожинге тиесілі Embraer Legacy 600 ұшағы құлаған жерде онымен ұшқан 10 адамның барлығының мәйіті табылды.