Апат кезінде жанған көлікте 3 адам қаза тапты

7 қыркүйекте Ақтау-Құрық тас жолының 39-шақырымында екі көлік соғылып жол апаты болды, деп хабарлайды Orda.kz Lada.kz сайтына сілтеме жасап.

Апатқа ұшыраған көліктер жанып, үш адам қаза тапты. Полиция сотқа дейінгі тергеуді бастады.

«Қазір оқиғаның барлық мән-жайын анықтау үшін жан-жақты тергеу жүріп жатыр»,  деп мәлімдеді облыстық полиция департаменті.

Құқық қорғау органдары жүргізушілерден барынша қырағылық танытып, жол қозғалысы ережелерін қатаң сақтауға шақырады. Көлік жүргізу кезінде жылдамдық арттыру мен зейінді басқа жаққа бұруға жол бермеуге ерекше назар аударылады.