Антикордың жалған қызметкері сотталды

9 қараша күні Ақтау қалалық сотымен алаяқтық және пара беруге итермелегені үшін азаматтар Кәрімов және Батырханов 7 жыл 6 айға және 7 жылға бас бостандығынан айырылды.

Агенттік Төрағасының көмекшісі атын жамылған Кәрімов Ақтау қаласы әкімдігінің лауазымды тұлғаларынан коммерциялық объектілерді, атап айтқанда оның атына Каспий теңізінің жағалауындағы жер учаскесін ресімдеуді талап еткені үшін кінәлі деп танылды.

2020 жылғы ақпанда Кәрімов Батырхановпен алдын ала сөз байласу бойынша адамдар тобында әрекет етіп, өзін Білім және ғылым вице-министрі және Алматы қаласы әкімінің көмекшісі ретінде көрсете отырып, балабақша меңгерушісінен әкімшілік жауапкершілікке тартпағаны үшін 1 млн теңге талап еткен.

Айта кетейік, үкім заңды күшіне енген жоқ.