«Антикор» жол жұмыстарының 4,8 млрд теңгеге артық бағаланғанын анықтады

Жартыжылдық алқа отырысында Сыбайлас жемқорлыққа қарсы қызметтің басшысы Асхат Жұмағали жол саласындағы сыбайлас жемқорлық тәуекелдеріне сыртқы талдау басталғанын мәлімдеді, деп хабарлайды Orda.kz.

Енді антикор жол жұмыстарын жоспарлаудан бастап қабылдауға дейінгі жол құрылысының барлық процестерін зерттеп, ірі аудит жүргізеді. Барлық өңірлерде сарапшылар мен қоғам белсенділері бар мониторингтік топтар құрылып, жұмысты бастады. 

Қазірдің өзінде бес облыста жол жұмыстары 4,8 млрд теңгеге асыра бағаланғаны белгілі болды.

Мәселен, Абай облысында құны 20 миллион теңге болатын шұңқырларды жөндеуден кейін бірден сол нысанда 1 миллиард теңгеге ағымдағы жөндеу жұмыстары жүргізілуде.