Антикор ұзаққа созылған құрылыс жұмыстарын бақылап отыр

cover Фото: Pexels

Агенттікке қарасты аймақтық департаменттердің белсенді жұмысының нәтижесінде мектептер, медициналық мекемелер, су құбырлары және жолдар сияқты 44 күрделі нысанның құрылысы аяқталды.

Бұл туралы сыбайлас жемқорлыққа қарсы іс-қимыл агенттігі хабарлады.

Осы жобалардың ішінде елорда мен бес облыста 10 жаңа мектеп, сондай-ақ 14 ауылдық елді мекенде су құбырларының құрылысы аяқталды. Бұл нысандардың құрылысы бір жылдан үш жылға дейін созылған еді. Ауылдық жерлерді сумен қамтамасыз ету мәселелері ескеріліп, су құбырлары құрылысының аяқталуы тұрғындардың өмір сүру сапасын арттыруда маңызды рөл атқарды.

Шымкент қаласында ақпараттандыру және қоғамдық бақылау бастамаларының арқасында Қонаев даңғылының құрылысы кезінде артық тірек қабырғаларын орнатудан бас тартып, 3,2 млрд теңге бюджет қаражатын үнемдеп қалды.

Маңызды қадамдардың бірі – құрылыс кепілдігінің жаңа стандарттарын енгізу болды. Енді кепілдік мерзімі кемінде 7 жыл, бұл жемқорлық тәуекелдерін жойып, жөндеу шығындарын азайтуға мүмкіндік береді. Бұл өзгерістер жаңа Құрылыс кодексі жобасына енгізілді.

Қазіргі уақытта Агенттік 125 нысанның құрылысын бақылауда ұстап отыр.

Жаңалықтар

барлық жаңалықтар