Антикор Сатыбалды жымқырған қаржы мен активтер жайлы жайып салды

Астанадағы брифингте антикор өкілі Данияр Биғайдаров олигархтан барлығы 73 жылжымайтын мүлік тәркіленгенін мәлімдеді, олардың бәрі Қазақстан аумағында және шетелде орналасқан. Активтерді қайтару жұмыстары жүріп жатыр, деп хабарлайды Orda.kz.

«Айсад бизнес орталығы бар. Барақ ауылындағы люкстік резиденция бар, Астанадағы үш коттедж бар, олар педагогикалық-психологиялық кабинет ретінде пайдаланылып жатыр. Балалар сол жерде оқиды. Жалпы, көп бөлігі әлеуметтік қажеттіліктерге қайтарылып жатыр», – деді Биғайдаров. 

Сонымен қатар, оның 320 миллиард теңгесі тәркіленді. Оның 153,3 миллиарды білім саласына 83 мектеп салуға бөлінгені жайлы айтылды.