Антикор Құндыз Назарбаеваны жауапқа тартады

Әбдіғаппаровтың бизнесін рейдерлер басып алды, аталған іске қатысты антикор Құндыз Назарбаеваны жауапқа тартпақшы.

Осы аптада Алматының Сыбайлас жемқорлыққа қарсы қызметі Алмас Әбдіғаппаровтың отбасына тиесілі «AV-Construction» компаниясының жарғылық капиталының 25 пайыздық үлесін рейдерлік жолмен тәркілеу фактісі бойынша сотқа дейінгі тергеуді бастады. Қамауға алынған кәсіпкердің әйелі мен анасы Болат Назарбаевтың жақын адамдарына, оның ішінде оның туған қызы Құндыз Назарбаеваға рейдерлік жүргізді деген айып тағылуда.

Қамауға алынған кәсіпкер Алмас Әдбдіғаппаровтың анасы мен әйелі сәуір айының ортасында «AV-Construction» ЖШС-гі рейдерлік тәркілеу туралы хабарлады. Сәуле Жүнісбекова мен Ольга Әбдіғаппарова жарғылық капиталдың 25 пайыздық үлесін «Елдос Қоспаев, Дастан Әбіжанов, Тимур Танашев, Рауан Бабаев және Дулат Ахмадиев ұсынатын қылмыстық топ» тартып алғанын хабарлады. Әйелдің арызы Алматы қаласы Медеу ауданының полиция бөліміне жазылғанымен, қараусыз қалдырылған.

Мамыр айының ортасында екі әйел де прокурордың орынбасары Нұрлан Ауғанбаевпен кездесуге келген. Олар онымен бір сағаттай сөйлесті.

Антикор Құндыз Назарбаеваны жауапқа тартады

Әбдіғаппаровтың бизнесін рейдерлер басып алды, аталған іске қатысты антикор Құндыз Назарбаеваны жауапқа тартады.

Осы аптада Алматының Сыбайлас жемқорлыққа қарсы қызметі Алмас Әбдіғаппаровтың отбасына тиесілі «AV-Construction» компаниясының жарғылық капиталының 25 пайыздық үлесін рейдерлік жолмен тәркілеу фактісі бойынша сотқа дейінгі тергеуді бастады. Қамауға алынған кәсіпкердің әйелі мен анасы Болат Назарбаевтың жақын адамдарына, оның ішінде оның туған қызы Құндыз Назарбаеваға рейдерлік жүргізді деген айып тағуда.

Қамауға алынған кәсіпкер Алмас Әдбдіғаппаровтың анасы мен әйелі сәуір айының ортасында «AV-Construction» ЖШС-гі рейдерлік тәркілеу туралы хабарлады. Сәуле Жүнісбекова мен Ольга Әбдіғаппарова жарғылық капиталдың 25 пайыздық үлесін «Елдос Қоспаев, Дастан Әбіжанов, Тимур Танашев, Рауан Бабаев және Дулат Ахмадиев ұсынатын қылмыстық топ» тартып алғанын айтты. Әйелдің арызы Алматы қаласы Медеу ауданының полиция бөліміне жазылғанымен, қараусыз қалдырылған.

 «Бекзат Үсенов «Esentai City» жобасында Болат Назарбаевтың мүддесін қорғаған, бір мезгілде Алматы облысы бойынша экономикалық тергеу басқармасының бастығы, ол барлық жұмыс уақытын мейрамханаларда өткізген. Оның жұбайы Болат Назарбаевтың қызы Құндыз Назарбаева. «AV Construction» компаниясының үлесі тіркелген Болат Назарбаевтың оң қолы Елдос Қоспаев. Елдос Қоспаев пен Бекзат Үсенов пайданы сезіп, Алмастың сенімсіздігін пайдаланып, әуелі сенімге кірген, артынша  жобаға – біреуі құрылтайшы, біреуі қамқоршы болды.

Руслан Шалин – Болат Назарбаевтың «AV Construction» компаниясының өкілі, ал  Дулат Ахмадиев – заңгер және Болат Назарбаевтың мүддесін қорғайтын адвокат. Жақында жұртшылыққа белгілі болғандай, Болат Назарбаевтың Алматыдағы шыны зауытының 50 пайыз акциясын рейдерлік жолмен тартып алуға  қатысты атышулы істегі үлесі Руслан Шалинге аударылғаны. Дастан Әбіжанов болса  бұрынғы көлік прокуроры. Ол Бекзат Үсенов пен Азамат Жылқыбаевтың досы. Алматы облысының прокуроры, Болаттың әпкесі Әнипа Назарбаеваның күйеу баласы. Тимур Танашев Елдос Қоспаевтың туысы.

Дәл осы топтың «Esentai City» жобасынан 10 миллиард теңгеден астам ақшаны заңсыз алуына ұлымның қарсылығы, сонымен қатар компаниядағы үлесті тегін беруден бас тартуы олардың үлкен наразылығын тудырды» деп жазды  Жүнісбекова өз үндеуінде.

Айта кетерлігі, Сәуле Жүнісбекованың сөзі растайтын құжат бар - жоғарыда аталған тұлғалардың көпшілігі әр жылдары «AV Construction» компаниясының негізін қалаушылар болған.

AV Construction кімге тиесілі

Қазір компанияны Рауан Бабаев басқарады, құрылтайшылар арасында Тимур Танашев, Ерлан Ақанов және Дастан Әбіжанов деген үш-ақ адам қалған. Яғни бәрі өзгертілген.

2014 жылы «Кальматрон-Қазақстан» ұйымы сатып алынып, «AV Construction» атауын өзгертті. Сатып алу кезінде құрылтайшысы Дастан Әбіжанов болды. Қайта тіркеуден жарты айдан кейін Борис Дивенко директор болды, кейін оның орнына Олеся Брюханова келді.

2016 жылдың қазан айына дейін, яғни үшінші тұлғалар компанияға қызығушылық танытқанға дейін осылай болды. Ашық деректерге сүйенсек,  18 қазанда құрылыс компаниясының құрылтайшылары Болат Назарбаевтың ортаншы қызы Құндыз бен оның «оң қолы» Елдос Қоспаев болды. Директорлар ауысты, Рауан Бабаев директор болды.

2017 жылдың 12 қазанында бизнес басшылығына Алмас Әбдіғаппаров кірісіп, құрылтайшылар арасында жаңа тұлғалар пайда болды. Бұрынғы үш қожайынға Елдос Қоспаевтың ағасы Айдос, Әбдіғаппаровтың анасы Сәуле Жүнісбекова және белгілі Гүлзихан Беймішева қосылды.

2018 жылдың қаңтарында Рауан Бабаев Әбдіғаппаровтың орнына директор болып тағайындалды. Ал сол жылдың қазан айында қожайындар тізімінен ағайынды Қоспаевтар жоғалып кетіп, орнына Ахан Қайыржанов пайда болды. 2019 жылдың тамыз айында Гүлзихан Беймішева да жоғалып кетті. Ал 2021 жылдың 13 мамырында Елбасының жиені Құндыз Назарбаева құрылтайшы болуды тоқтатты.

Мамырдың 26-сы күні Ахан Қайыржанов AV Construction-дағы үлесін берген көрінеді. Ұйымға Тимур Танашев қосылды. Қыркүйек айында Әбдіғаппаровтың анасы Сәуле Жүнісбекова тізімнен жоғалып кеткен. Оның орнына Рүстем Асқарбек келді. Бірақ ол көпке дейін кәсіпорынның ортақ иесі болған жоқ. Арада бір ай өтпей-ақ жаңа адам Ерлан Ақанов қосылды. Осылайша, тек 2021 жылы AV Construction негізін қалаушылары төрт рет өзгерді.

Алмас Әбдіғаппаровқа қандай күдік бар?

Parmigiano Group мейрамханалар желісінің басшысы әрі негізін қалаушы Алмас Әбдіғаппаров өткен жазда қамауға алынып, содан бері қамауда отыр. Оған бөтеннің сеніп тапсырылған мүлкін аса ірі мөлшерде ысырап етті немесе жымқырды деген айып тағылып отыр.

Қылмыстық іс материалдарына сәйкес, «AV Construction» компаниясының директоры Рауан Бабаев, сонымен қатар Әбдіғаппаровтың немере інісі кәсіпкерге «Esentai City» құрамындағы жылжымайтын мүлікке ақша алуға сенімхатпен қолхат берген. Ол элиталық тұрғын үй кешенін салу жобасы. Әбдіғаппаров клиент Валерия Рахметжановадан 840 миллион теңге алған, бірақ аударылған қаражаттың жартысы ғана компанияның есебіне түскен.

Алмас Әбдіғаппаровтың ісі туралы толығырақ кәсіпкермен болған эксклюзивті сұхбаттан біле аласыздар.

Қазір Медеу аудандық №2 сотында «А.В.Құрылыс» ісі бойынша сот отырысы өтіп жатыр. Орда.kz  оқиғаның мән-жайын бақылап отыр.

Айта кетейік, Әбдіғаппаров тергеу изоляторында жатқанда, Шымкентте оның «STRATUS-Oil» ЖШС компаниясының мұнай базасы сатылып жатыр. Бастапқы бағасы – 3,5 млрд теңге.