Антикор бұрынғы әділет министрін билігін асыра пайдаланды деген күдікпен ұстады

Ол көзге көрінбейтін қажетсіз қызметтерді көрсетуге жыл сайын шарт жасасып, сол арқылы мемлекетке аса ірі көлемде зиян келтіріп, аффилиирленген компанияның мүддесін жақтаған.

Сыбайлас жемқорлыққа қарсы қызмет Мемлекет басшысының заңсыз тәркіленген активтерді іздестіру және қайтару жөніндегі тапсырмасын орындау мақсатында бұрынғы Әділет министрін өкілеттігін асыра пайдаланды деген күдікпен ұстады. Активтерді қайтару жұмыстары жалғасуда, деп хабарлады ведомство.

Алайда ұсталған адамның аты-жөні хабарланбайды. Антикор Қылмыстық-процестік кодекстің 201-бабына сілтеме жасап, оған сәйкес тергеу мүддесіне сай басқа ақпарат жария етілуге ​​жатпайтынын алға тартты.