Антикор бүгін үш шенеунікті ұстағанын хабарлады

Сыбайлас жемқорлыққа қарсы қызмет Қазақстанның бірнеше облысында ауыл шаруашылығы басқармалары қызметкерлерінің ұсталғаны туралы мәлімдеді.

Бұған дейін ШҚО бойынша ауыл шаруашылығы басшысының ұсталғаны туралы ақпарат тараған еді. Ведомство өкілдері басқа да азаматтардың ұсталғанын растады.

«Сыбайлас жемқорлыққа қарсы қызмет ШҚО бойынша АШБ басшысы В. Гайламазян, Жамбыл облысы бойынша АШБ басшысының орынбасары Е. Құлкеева және Маңғыстау облысы бойынша АШБ басшысының орынбасары Б. Ізімтаев ұсталды» делінген хабарламада.

Ведомство ҚІЖК-нің 201-бабына сәйкес өзге ақпарат жариялауға жатпайтынын қосты.