Антикор Алматыда жер сілкінісі кезінде жұмыс істемеген ескерту жүйесін тексереді

Мемлекет басшысы бір күн бұрын бюджет қаражатының не үшін жұмсалғанын анықтауды тапсырды, деп хабарлайды Orda.kz.

Антикордың аймақтық департаменті тексеру жүргізуге бастамашы болды. Аталған шығындардың негізділігі мен мемлекеттік сатып алудың заңдылығын зерттейтін арнайы топ жұмысқа кірісіп кетті.

Сондай-ақ сыбайлас жемқорлыққа қарсы іс-қимыл агенттігінің төрағасы Асхат Жұмағали 2018-2023 жылдар аралығында сейсмикалық қауіпсіздікті қамтамасыз етуге бөлінген бюджет қаражатының жұмсалуына мониторинг жүргізуді тапсырды.

Олардың қатарында Алматы қаласымен қатар Шымкент, Алматы, Шығыс Қазақстан, Жамбыл, Қызылорда, Түркістан облыстары, сондай-ақ Абай және Жетісу облыстары бар.

Мониторинг барысында бақылау және қадағалау органдарына жүргізілген тексерулерді, сот-тергеу тәжірибесін, ғылыми ұйымдар қорытындыларын, құрылыс кезінде сейсмикалық қауіпсіздік талаптарының сақталуын зерделеу, азаматтардың өтініштері мен бұқаралық ақпарат құралдарындағы жарияланымдарды талдау жоспарлануда.