Антикор Алматы-Қорғас тас жолының бүлінген бөлігін тексереді

Orda.kz «Алматы-Қорғас» тас жолы «бөліне бастады» деген хабар таратқаннан кейін мамандар жолды тексеруге бірден шығып кетті.

Редакцияға жолдың бір бөлігі жарылған видеоны оқырманымыз жолдады.

«Біздің жол салушылар қайда?» деп таңғалады ол.

«Жергілікті уақыт бойынша 8 маусымда оңтүстік бағытта шамамен 20:25-те 190 шақырымда  жолдың цемент-бетон жабыны  көтерілңп кеткені анықталды.  Қауіпсіз өтуді қамтамасыз ету үшін жоғарыда аталған ақауды жою жұмыстары жүргізілуде»,- деп түсініктеме берді жол құрылысына жауапты мекеме «ҚазАвтоЖол».

Кейін компания ақау жойылғанын мәлімдеді. Алайда Сыбайлас жемқорлыққа қарсы іс-қимыл агенттігінің Алматы облысы бойынша департаментінің өкілдері бәрібір жолдың бүлінген бөлігін тексеру үшін Алматы-Қорғас тас жолына шықты.

«Алматы-Қорғас тас жолының 190-шы шақырымына бетон жабындылардың  көтеріліп кетуіне байланысты арнайы келдік. Жол қызмет көрсету бригадасымен көліктердің қауіпсіз өтуін қамтамасыз ету мақсатында ақау жойылды, шұңқырға асфальт  төселді. Бұл жол 2017 жылы пайдалануға берілген. Жолдың жобалық-сметалық құжаттамасын толық тексереміз», - деді Сыбайлас жемқорлыққа қарсы іс-қимыл агенттігінің Алматы облысы бойынша департаменті басшысының бірінші орынбасары Нұрсұлтан Бекінов.

«ҚазАвтоЖол» ҰК» АҚ қызметкерлерінің айтуынша, жол бөлігінің деформациялануына ауа температурасының 45°С дейін көтерілуі себеп болған. Басқарма басшысының бірінші орынбасарының айтуынша, жолдағы бетонды біріктіретін компенсаторлар арасындағы қашықтық тым үлкен. Қашықтық 500-600 метр. Алайда бұл жеткіліксіз. Себебі жоғары температура кезінде бетон плиталары кеңейеді.

Дегенмен, Алматы облысынан басқа да ыстық ауа райы бар елдер бар. Мысалы, қарапайым мысал ретінде Дубайды алайық. Жолдарда мұндай проблема жоқ. Бетон төсенішін салу кезінде 80-100 метр қашықтықта компенсаторлар төселеді.

Айта кету керек, Алматы облысында «Батыс Еуропа-Батыс Қытай» халықаралық транзиттік дәлізінің құрылысы 2013 жылы басталып, 2017 жылы аяқталды, құрылыстың жалпы құны 132 млрд теңге болды. Кепілдік берілген  мерзім 2017 жылдан 2019 жылға дейін жарамды болған.