Антикор Ақтау қалалық соты басшысының ұсталған видеосын көрсетті

Ақтау қалалық сотының төрағасы Бауыржан Шайдуллин 18 млн теңге көлемінде ақшалай пара алып, ұсталды. 

Бұл туралы Сыбайлас жемқорлыққа қарсы қызметі хабарлайды.

Антикор ҚР ҚПК 550-бабына сәйкес Бас прокурормен келісілген сотқа дейінгі тергеу шеңберінде Маңғыстау облысының қылмыстық істер жөніндегі Ақтау қалалық сотының төрағасы Бауыржан Шайдуллинді ұстады.

Ол сенімді адамы – Ақтау қаласының тұрғыны арқылы сотталушыдан оған қатысты бас бостандығынан айырудан басқа жазаға үкім шығару сылтауымен 18 миллион теңге көлемінде ақшалай қаражат алды. 

Бейнежазбаға қарағанда, 18 миллион теңгесі бар сөмкені бір көліктен екінші көлікке салған.

Жоғарыда аталған қылмысқа қатысушы қамауға алынып, Ақтау қаласының тергеу изоляторына қамалды.