Әнші Рүстем Жүгінісовтің үстінен іс қозғалды

Әнші Мирас Жүгінісовтің ағасы Рүстем Жүгінісовтің үстінен әкімшілік іс қозғалды, деп хабарлайды Orda.kz.

Астана қаласының Әкімшілік құқық бұзушылықтар жөніндегі мамандандырылған ауданаралық сотында әнші Рүстем Жүгінісовтің есімі пайда болды. Мұны алғаш болып «За нами уже выехали» Telegram-арнасы жария етті.

Әншіге қатысты әкімшілік іс 453-бап, 2-бөлігі бойынша тамыз айынан бері қаралып жатыр. Бап жеке тұлғаларға 20 айлық есептік көрсеткіш (78 640 теңге) көлемінде айыппұл салуды қарастырады.

Айта кетейік, Ақтөбедегі Ақтөбедегі мешіттердің бірінде бойжеткенге «бір реттік неке» ұсынған жігіт туралы жаңалық қоғамда үлкен резонанс тудырған болатын. Ал Рүстем Жүгінісов әйелдер мешітке барып, өздері осындай оқиғаларға себепкер болатынын айтқан. Кейін әнші Мирас Жүгінісов ағасы Рүстем Жүгінісов үшін кешірім сұрады.