Әнші Лиам Пэйн Аргентинада қонақ үйде қайтыс болды

Британдық әнші және One Direction поп-тобының бұрынғы мүшесі Лиам Пэйн Аргентинада өлі күйінде табылды, деп хабарлады Orda.kz.

Полицияның мәліметінше, 31 жастағы музыкант Буэнос-Айрестегі Casa Sur қонақ үйінің үшінші қабатынан құлап кеткен.

Оқиға орнына жедел жәрдем келді, бірақ бұл уақытта қонақ үй ауласынан табылған Пэйн қайтыс болған.

«Лиам Джеймс Пэйн, композитор және гитарист, One Direction тобының бұрынғы мүшесі бүгін Палермо аймағындағы қонақ үйдің үшінші қабатынан құлап қайтыс болды», делінген полиция мәлімдемесінде.

Сондай-ақ олар бұған дейін полицияға «есірткі немесе алкогольдік масаң күйдегі ер адамның ерсі әрекеті» туралы хабарлама түскенін хабарлады.