Әнші Игорь Тальковты өлтірген концерт директоры сотталды

Әнші Игорь Тальковты өлтірді деп айыпталған концерт директоры 13 жылға бас бостандығынан айырылды, деп хабарлайды Orda.kz. 

Санкт-Петербург соты музыкант, әнші, 200-ден астам әннің авторы Игорь Тальковты өлтірген Валерия Шляфманға үкім шығарды. Ол 13 жылға бас бостандығынан айырылды. Айыптаушы тарап 14 жылға бас бостандығынан айыруды сұрады. Валерия Шляфманға Тальковты  өлтіріп, Малаховты өлтіруге оқталды деген айып тағылды. 

2024 жылдың маусымында Игорь Тальковтың  өліміне қатысты тергеу аяқталды. Ресейдегі тергеу әрекеттері кезінде 150-ден астам куәгерден жауап алынды. Олардың арасында эстрада әртістері, спорт сарайының қызметкерлері және қылмыс орнында болған полиция қызметкерлері болды. Тергеу генетикалық зерттеулер жүргізіп, 1991-1992 жылдары сараптама жүргізген мамандардан жауап алды.

Қылмыс 1991 жылы болған. Шляфман 1992 жылы Израильге қашып кетті. Шляфманды Израильден елге қайтару үшін түрлі әрекеттер жасалды. Бірақ нәтиже болмады. 2018 жылдың қарашасында Тальковтың өліміне қатысты тергеу қайта басталды. 

Айта кетейік, бұған дейін еліміздегі белгілі блогер Daricorn жанжалдың ортасында қалған еді. Балалар құқығын қорғау комитеті Алматыдағы блогердің бейнежазбасынан кейін баласы буллингке ұшыраған ананы қорғауына алды.