Қанша елордалық дәрігер вакциналаудан бас тартты?

Қазір Нұр-Сұлтанда 36 егу орталығы жұмыс істейді, деп хабарлады денсаулық сақтау басқармасы.

Нұр-Сұлтанда вакцинацияның алғашқы аптасында 719 медицина қызметкері КВИ-ға қарсы вакцинацияланды, деп хабарлады елорда әкімдігінің қоғамдық денсаулық сақтау басқармасының басшысы Тимур Мұратов.

«1 ақпаннан бастап 719 медициналық қызметкер вакциналанды, 916 вакциналаудан өтті, қамту 80% -дан асты. Бұл қауіп-қатерге ұшыраған медицина қызметкерлері: инфекциялық ауруханалардың, жедел жәрдемнің, БМСК қызметкерлері (алғашқы медициналық-санитарлық көмек - авторлық ескерту), көпсалалы ауруханалардың қабылдау бөлімдері», - деді ол.

Мұратов вакцинадан бес адам өз еркімен бас тартқанын айтты. Коронавирустық вакцина алғандардың арасында жағымсыз әсерлер анықталмады.

«Адамға вакциналау жасалмас бұрын оларды дәрігер қарайды. Тексеру кезінде вакциналануы мүмкін адамдарда (192 адам) уақытша медициналық қарсы көрсеткіштер болған. Инъекция аймағында ауырсынуды және кешке қарай болатын әлсіздікті вакциналаудың жағымсыз салдары деуге келмейді. Мен өзім коронавирустық инфекцияға қарсы вакцина алдым. Бірінші күні кешке осындай көріністер болды, бірақ екінші күні олар өздігінен жоғалып кетті», - деді Мұратов.

Қоғамдық денсаулық сақтау басқармасы басшысының айтуынша, қоймада КВИ-ға қарсы 1531 вакцина сақтаулы.