Анна Седакова Rixos Aktau қонақ үйінде концерт өткізді

Жақында украиналық әнші Анна Седакова Ақтаудағы Rixos қонақ үйінде концерт өткізді. Бұл желі қолданушыларының наразылығын тудырды. Ақтау қаласының әкімдігі концертке қатысты түсініктеме берді.

Бұл туралы Orda.kz Лада сайтына сілтеме жасап хабарлады.

Эпидемиологиялық жағдайға қарамастан концерт өткізген әншінің іс-әрекеті сынға алынды.

Қала әкімдігі карантиндік шектеулерді бұзу фактісі бойынша тексеру жүргізіліп жатқанын айтты. Кінәлілерді жазалау үшін әкімшілік хаттама жасалған. Қалалық тауарлар мен қызметтердің сапасы мен қауіпсіздігі бақылау басқармасы оны тексереді.

– Концертті ұйымдастырушыға айыппұл салу ықтималдығы бар, -деді әкімдікте.

Еске салсақ, өткен демалыс күндері украиналық әнші Анна Седокова «Rixos Water World Aktau» қонақ үйінде концерт өткізген.

Сондай-ақ, қонақүйде қыркүйекте осыған ұқсас тағы 2 концерт өткізу жоспарланған.  

Бұған дейін Маңғыстау облысы әкімінің орынбасары Гүлмира Қалмұратова бес жұлдызды қонақүй аумағындағы барлық концерттер 31 шілдеден бастап тоқтатылатыны туралы айтқан.

Қонақ үй әкімшілігі де концерт болмайды деп сендірген.