Анна Данилина өзінің бесінші WTA титулын жеңіп алды

Өз мансабындағы бесінші WTA титулын қазақстандық теннисші Анна Данилина жеңіп алды, деп хабарлайды Қазақстан теннис федерациясының баспасөз қызметі.

«Гамбургте өткен WTA 250 жұптық сайысы финалында Анна Данилина мен ресейлік Александра Панова чех Мириам Колодзиежова мен америкалық Анжела Куликовты 6:4, 6:2 есебімен жеңді. Бұл Аннаның WTA демеушілігімен жұптық сайыстағы бесінші жүлдесі.

Бұған дейін ол Сидней (WTA 500), Варшава (WTA 250), Гдан (WTA 250) және Париж (WTA 125) турнирлерін жеңіп алған болатын.