Анджелина Джолидің бомбадан сақтану орнына  кіргені түсірілген видео пайда болды

30 сәуірде Львовқа келген Голливуд жұлдызы  Анджелина Джоли қалада әуе шабуылы туралы ескертуге тап болды.

Америкалық киножұлдыз вокзалда босқындармен сөйлесіп тұрған кезде дабыл қағыла бастады. Анджелина Джолидің басқа адамдармен бірге бомбадан қорғайтын баспанаға қарай жүгіруіне тура келді.

Оның айналасында көптеген еріктілер болды, олар Джолиге қайда жасырыну керектігін көрсетті. Актрисадан мазасызданып,  қорқа ма деп сұрағанда, Джоли олай емес деп, өзін жақсы сезінетінін айтты.

Анджелина Джолидің Львовтағы бомбадан сақтану орнына  жүгіріп бара жатқан жерінен оны тоқтатып, селфи жасамақ болғандар да табылды.

Бұған дейін жұлдызды Львовтағы дәмханада қарсы алғаны туралы жазған болатынбыз.