Қанды қаңтарда зорлау фактілері болды - комиссия

Қаңтар оқиғасын тергеу жөніндегі «Ақиқат» комиссия мүшелері жыныстық зорлық-зомбылық туралы айтты.

Осылайша олар екі зорлық-зомбылық фактісін тіркеді.

«5 қаңтарда автобустар жүрмей қалды, сұлулық салонының қызметкерлері үйлеріне қайтып келе жатқанда, оларды белгісіз біреулер зорлап кеткен. Олар полицияға арызданбады. Олардың отбасы бар, күйеуі бар, қаламайды» дейді «Заңгер құқық қорғаушылар» қоғамдық қорының төрайымы Ләззат Рақышева.

Заңгер Айман Умарова тағы бір дерекке тоқталды.

«Сонымен қатар, зорлау фактісі де әкімдік ғимаратынан алыс емес еді. Полицияға да арыз түскен жоқ» деп түсіндірді Айман Умарова.

Еске салсақ, 7 қаңтар ел президенті «бандиттер жас сарбаздарды өлтірді, әкімшілік ғимараттарды өртеп жіберді, жеке үйлер мен дүкендерді тонады, бейбіт тұрғындарды өлтірді, әйелдерді зорлады» деп Twitter-де жазды.